Smart Phone : స్మార్ట్‌ఫోన్ కేవలం కాల్ చేయడానికి లేదా మెసేజులు పంపడానికి మాత్రమే కాదు, కెమెరా, బ్యాంకింగ్ ఇలాంటి చాలా వాటికి వాడుతారు. అందువల్ల సరైన స్మార్ట్‌ఫోన్‌ను ఎంచుకోవడం అనేది చాలా ముఖ్యం. 2025 లో కొత్త ఫోన్ కొనాలని ప్లాన్ చేస్తుంటే ఈ ఐదు విషయాలు గుర్తుపెట్టుకోండి. ఇప్పుడు GST కూడా తగ్గింది కాబట్టి ఆన్‌లైన్‌లో గొప్ప ఆఫర్లు అందుబాటులో ఉన్నాయి. కాబట్టి తక్కువ ధరకు స్మార్ట్‌ఫోన్‌ను కొనుగోలు చేసే ముందు కొంచెం జాగ్రత్తగా ఉండటం ముఖ్యం. లేకపోతే మోసపోయే అవకాశాలు ఉన్నాయి.
ప్రాసెసర్ : చవకైన ఫోన్‌లలో తరచుగా పాత లేదా తక్కువ పవర్ ఉన్న ప్రాసెసర్‌లు ఉంటాయి. ఇవి ఫోన్‌ను నెమ్మదిగా చేస్తాయి మరియు యాప్‌లు తరచుగా క్రాష్ అవుతాయి. ప్రాసెసర్ ఫోన్‌కు గుండె వంటిది.
బ్యాటరీ : చవకైన ఫోన్‌లు తరచుగా తక్కువ బ్యాటరీ లైఫ్‌ను కలిగి ఉంటాయి, ఎందుకంటే వాటిలో సాధారణంగా తక్కువ సామర్థ్యం గల బ్యాటరీ లేదా తక్కువ ఆప్టిమైజ్ చేసిన సాఫ్ట్‌వేర్ ఉంటుంది. మీ రోజువారీ అవసరాల కోసం, మీరు కనీసం 4000 mAh (మరింత మెరుగ్గా 5000 mAh లేదా అంతకంటే ఎక్కువ) బ్యాటరీ సామర్థ్యం ఉన్న ఫోన్‌ను కొనుగోలు చేయాలి. అలాగే, ఫాస్ట్ ఛార్జింగ్ సపోర్ట్ ఉంటే తక్కువ సమయంలో ఛార్జ్ చేసుకోవచ్చు.
డిస్‌ప్లే : డిస్‌ప్లే కనీసం HD+ (మరింత మెరుగ్గా Full HD+) రిజల్యూషన్‌తో ఉందో లేదో చూడండి. వీలైతే, మెరుగైన రంగులు మరియు వీక్షణ అనుభవం కోసం AMOLED లేదా LED డిస్‌ప్లేను ఎంచుకోండి, లేదంటే కనీసం మంచి LCD ప్యానెల్‌ను ఎంచుకోండి. అలాగే, స్క్రీన్ బ్రైట్‌నెస్ ఎక్కువగా ఉంటే బయట వెలుతురులో కూడా స్పష్టంగా కనిపిస్తుంది.
కెమెరా సెన్సార్ vs. మెగాపిక్సెల్స్ : aచవకైన ఫోన్‌లలో తరచుగా ఎక్కువ మెగాపిక్సెల్‌లు (ఉదా. 50MP లేదా 64MP) ఉన్నట్టు ప్రచారం చేస్తారు, కానీ కెమెరా నాణ్యత అనేది మెగాపిక్సెల్‌లపై కాకుండా, ప్రధానంగా కెమెరా సెన్సార్, దాని సాఫ్ట్‌వేర్ ఆప్టిమైజేషన్ పై ఆధారపడి ఉంటుంది. తక్కువ-నాణ్యత సెన్సార్‌లతో కూడిన అధిక-MP కెమెరా కూడా చెత్త ఫోటోలను అందిస్తుంది. మెగాపిక్సెల్‌లను పట్టించుకోకుండా, ఆ ఫోన్ కెమెరాకు సంబంధించి ఆన్‌లైన్ రివ్యూలు లేదా శాంపిల్ ఫోటోలు (Sample Photos) చూడండి. ముఖ్యంగా తక్కువ వెలుతురులో (Low light) దాని పనితీరును గమనించండి.
సాఫ్ట్‌వేర్ అప్‌డేట్‌లు, 5G కనెక్టివిటీ : పాత ఆపరేటింగ్ సిస్టమ్‌తో (OS) ఉన్న ఫోన్‌ను కొనుగోలు చేయడం వలన మీరు కొత్త భద్రతా ఫీచర్లు మరియు తాజా యాప్ సపోర్ట్‌ను కోల్పోతారు. అలాగే, ఇప్పుడు 5G నెట్‌వర్క్ విస్తరిస్తోంది, కాబట్టి 5G సపోర్ట్ లేకపోతే భవిష్యత్తులో మీరు నెట్‌వర్క్ వేగాన్ని ఉపయోగించుకోలేరు.
