BIG BREAKING : కర్నూలు జిల్లాలో బస్సు ప్రమాదంపై తెలంగాణ మంత్రి పొన్నం ప్రభాకర్‌ స్పందించారు. ఈ సందర్భంగా ఆయన కీలక వ్యాఖ్యలు చేశారు..తనిఖీలు లేకపోవడం వల్లే ఇలాంటి ఘటనలు జరుగుతున్నాయని మంత్రి అభిప్రాయపడ్డారు. బస్సులను రోజూ తనిఖీ చేస్తుంటే వేధింపులు అంటున్నా్రంటూ మంత్రి చెప్పుకొచ్చారు. ఈ ఘటనపై తాను ఏపీ రవాణా శాఖ మంత్రి, కర్నూలు జిల్లా కలెక్టర్‌ సిరి, ఎస్పీలతో మాట్లాడానని పొన్నం అన్నారు. భవిష్యత్తులో ఇలాంటి ఘటనలు జరగకుండా చర్యలు తీసుకుంటామని, త్వరలో ఏపీ, కర్ణాటక, తెలంగాణ రవాణా శాఖ కమిషనర్ల సమావేశం- ఏర్పాటు చేస్తామని మంత్రి చెప్పుకొచ్చారు.
కర్నూలు జిల్లాలో బస్సు ప్రమాదంపై తెలంగాణ మంత్రి పొన్నం ప్రభాకర్‌ కీలక వ్యాఖ్యలు.. తనిఖీలు లేకపోవడం వల్లే ఇలాంటి ఘటనలు.. బస్సులను రోజూ తనిఖీ చేస్తుంటే వేధింపులు అంటున్నారు.. ఏపీ రవాణా శాఖ మంత్రి, కర్నూలు జిల్లా కలెక్టర్‌, ఎస్పీలతో మాట్లాడా.. భవిష్యత్తులో ఇలాంటి ఘటనలు జరగకుండా…
— NTV Breaking News (@NTVJustIn) October 24, 2025
కర్నూలు జిల్లాలో బస్సు ప్రమాదం ఘటనలో కంట్రోల్ రూమ్‌లు ఏర్పాటు చేసింది ఏపీ ప్రభుత్వం.. కర్నూలు కలెక్టరేట్ లోని కంట్రోల్ రూమ్ నం. 08518-277305, కర్నూలు ప్రభుత్వ జనరల్ ఆస్పత్రి కంట్రోల్ రూమ్ నం. 9121101059, ఘటనా స్థలి వద్ద కంట్రోల్ రూమ్ నం. 9121101061, కర్నూలు పోలీస్ ఆఫీసు కంట్రోల్ రూమ్ నం. 9121101075, కర్నూలు ప్రభుత్వ జనరల్ ఆస్పత్రి హెల్ప్ డెస్క్ నంబర్లు: 9494609814, 9052951010 ఏర్పాటు చేశారు.
కర్నూలు జిల్లాలో మంటలు చెలరేగి వి కావేరి ట్రావెల్స్‌ బస్సు దగ్ధం అయింది. బైక్‌ను బస్సు ఢీకొట్టడంతో మంటలు చెలరేగాయి. ఈ ప్రమాద ఘటననలో పలువురు ప్రయాణికులు సజీవదహనమయ్యారు. శుక్రవారం తెల్లవారుజామున 03 గంటల ప్రాంతంలో కల్లూరు మండలం చిన్నటేకూరు దగ్గర ఘటన చోటుచేసుకుంది. హైదరాబాద్ నుంచి బెంగళూరు వెళ్తుండగా ఈ ప్రమాదం జరిగింది.
ప్రమాద సమయంలో బస్సులో 40 మంది ప్రయాణికులు ఉన్నారు. ఎమర్జెన్సీ డోర్‌ నుంచి 12 మంది ప్రయాణికులు బయటపడ్డారు. గాయపడిన వారిని కర్నూలు ఆస్పత్రికి తరలించారు. ప్రమాదానికి గురైన బస్సు నెంబర్‌ DD 01 N 9490. సమాచారం అందుకోగానే ఘటనాస్థలానికి పోలీసులు, ఫైర్‌ సిబ్బంది చేరుకున్నారు. అగ్నిప్రమాదంతో హైవేపై భారీగా ట్రాఫిక్‌ జామ్‌ ఏర్పడింది.
