దిల్ రాజు భార్య అసలు పేరు తేజస్విని. పెళ్లి తర్వాత ఆమె పేరును జాతకం ప్రకారం వైఘా రెడ్డిగా మార్చుకున్నారు. ఆమె వయసు దిల్ రాజు కంటే తక్కువ. పెళ్లి సమయానికి ఆమె వయసు సుమారు 33 సంవత్సరాలు. ఇద్దరి మధ్య దాదాపు 19 ఏళ్ల గ్యాప్ ఉంది.
దిల్ రాజు మొదటి భార్య అనిత మరణించిన తర్వాత ఆయన జీవితంలో ఏర్పడిన ఒంటరితనాన్ని భరించలేకపోయారు. ఆ సమయంలో ఆయనకు తేజస్వినితో ఒక విమానాశ్రయంలో పరిచయం ఏర్పడింది. దిల్ రాజు తరుచుగా విమాన ప్రయాణాలు చేస్తుండేవారు. ఆ సమయంలో తేజస్విని ఎయిర్ హోస్టెస్‌గా పనిచేసేవారు.
దిల్ రాజు ఒక ఇంటర్వ్యూలో తాము ఎలా కలుసుకున్నారో వివరించారు. ఆయన ఒక సంవత్సరం పాటు ఆమెను గమనించి, ఆ తర్వాత తన ఇష్టాన్ని వ్యక్తం చేశారు. తేజస్విని సినిమాలకు దూరంగా ఉండే కుటుంబం నుంచి వచ్చారు. ఆమెకు దిల్ రాజు ఎవరు, ఆయన ఏం చేస్తారో కూడా తెలియదు. గూగుల్‌లో వెతికిన తర్వాతే ఆయన ఒక పెద్ద నిర్మాత అని ఆమెకు తెలిసిందట.
2020లో లాక్‌డౌన్ సమయంలో నిజామాబాద్‌లోని ఒక వెంకటేశ్వర స్వామి ఆలయంలో దిల్ రాజు తేజస్వినిని పెళ్లి చేసుకున్నారు. ఈ పెళ్లి వేడుకకు కేవలం కుటుంబ సభ్యులు మాత్రమే హాజరయ్యారు. వీరికి 2022లో అన్వయ్ అనే ఒక కుమారుడు జన్మించాడు.
తేజస్విని సినిమా పరిశ్రమకు చెందిన వ్యక్తి కానప్పటికీ, దిల్ రాజు జీవితంలోకి ఆమె రావడం ఆయనలో ఒక కొత్త ఉత్సాహాన్ని నింపిందని అనేక సందర్భాల్లో దిల్ రాజు చెప్పారు.
