BUS Accident : తెలుగు రాష్టాల్లో వరుస బస్సు ప్రమాదాలు జరుగుతున్నాయి. కర్నూలు-చిత్తూరు నేషనల్ హైవేపై శనివారం అర్ధరాత్రి తర్వాత 1.30 గంటలకు ఘోర రోడ్డు ప్రమాదం జరిగింది. ఆళ్లగడ్డ సమీపంలోని పేరాయపల్లెమెట్ట వద్ద మైత్రి ప్రైవేటు ట్రావెల్స్‌కు చెందిన బస్సు హైదరాబాదు నుంచి పుదుచ్చేరికి వెళ్తుండగా ఈ బస్సు ప్రమాదం చోటుచేసుకుంది.
బస్సు డ్రైవరు ముందు వెళ్తున్న లారీని ఢీకొట్టాడు. వెంటనే వెనుకాల వస్తున్న మరో లారీ ఆగిన బస్సును వెనుకవైపు నుంచి ఢీకొట్టింది. ఈ ఘటనలో బస్సు వెనుకాల కూర్చొన్న ఇద్దరు మృతి చెందారు. వారి మృతదేహాలను బయటకు తీసేందుకు పోలీసులు తీవ్రంగా ప్రయత్నిస్తున్నారు. ఇక మరో పది మంది గాయపడ్డారు.
నంద్యాల: ఆళ్లగడ్డ మండలంలో రోడ్డు ప్రమాదం.. పేరాయిపల్లి మిట్ట దగ్గర NH40పై ప్రైవేట్ ట్రావెల్స్ బస్సును ఢీ కొన్న లారీ.. బస్సులో ఉన్న ఇద్దరు ప్రయాణికులు మృతి, 15 మందికి పైగా గాయాలు.. మృతులు పాండిచ్చేరికి చెందిన బద్రినాథ్, హరితగా గుర్తింపు.. ప్రమాద సమయంలో బస్సులో 35 మంది ప్రయాణికులు…
— NTV Breaking News (@NTVJustIn) November 23, 2025
గాయపడిన వారిని వెంటనే ఆళ్లగడ్డ ప్రభుత్వాసుపత్రికి తరలించారు. ఇందులో నలుగురి పరిస్థితి విషమంగా ఉంది. గాయపడిన వారిలో అన్నమయ్య జిల్లా రాయచోటికి చెందిన ఖాదర్‌వలి, అతని భార్య ఆసిఫా, వైఎస్సార్‌ కడప జిల్లా ఖాజీపేట మండలం మిడ్తూరుకు చెందిన దొరస్వామిగా గుర్తించారు.
మృతదేహాలను పోస్టుమార్టం కోసం ఆత్మకూరు ప్రభుత్వ ఆస్పత్రి మార్చురీకి తరలించారు. ఈ ప్రమాదం కారణంగా జాతీయ రహదారిపై దాదాపు రెండు గంటల పాటు ట్రాఫిక్‌కు తీవ్ర అంతరాయం ఏర్పడింది. పోలీసులు క్రేన్ల సహాయంతో దెబ్బతిన్న వాహనాలను తొలగించి ట్రాఫిక్‌ను పునరుద్ధరించారు. కేసు నమోదు చేసుకున్న పోలీసులు దర్యాప్తు కొనసాగిస్తున్నారు. మృతుల వివరాలు, ప్రమాదానికి గల కారణాలపై పూర్తి విచారణ జరుపుతున్నారు.
