బాలికపై TDP నేత అత్యాచారం.. పిచ్చకొట్టుడు కొట్టారు పో!

tdp

TDP : కాకినాడ జిల్లా తునిలో ఘోరం జరిగింది. బాలికపై టీడీపీ నేత అత్యాచారానికి పాల్పడ్డాడు. జగన్నాథగిరి గురుకుల బాలికల పాఠశాలలో 8 వ తరగతి చదువుతున్న బాలికకు తాను తాతయ్య వరుస అవుతానని మాయమాటలు చెప్పి ఆ బాలికను స్కూల్ నుండి స్కూటిపై నిర్మానుష ప్రాంతానికి తీసుకెళ్లాడు టీడీపీ నేత తాటిక నారాయణరావు.

అయితే ఓ వ్యక్తి వారికి తెలియకుండా ఫాలో అవుతూ వీడియో తీయడంతో విషయం వెలుగులోకి వచ్చి్ంది. వీడియో తీస్తూ ఉండగా బాలిక దుస్తులు వేసుకుంటూ,టీడీపీ నేత తాటిక నారాయణరావుతో తోటలో కనిపించింది. ఏం చేశావ్ ఆ బాలికను అడగగా.. ఏం చేస్తావో చేసుకో అంటూ.. వీడియో తీస్తూన్నా వ్యక్తిని బెదిరించి బైక్ పై బాలికను తీసుకుని పరారయ్యాడు నారాయణరావు.

ఇందుకు సంబంధించిన వీడియో సోషల్ మీడియాలో వైరల్ అవ్వడంతో పోలీసులు రంగంలోకి దిగారు. పాఠశాల సిబ్బంది, తల్లిదండ్రులతో మాట్లాడుతూ విచారణ చేపట్టారు. బాలికకు న్యాయం చేయాలంటూ గురుకుల పాఠశాల ముందు ఆందోళన చేపట్టారు బాలిక కుటుంబసభ్యులు.

నారాయణరావు ఇప్పటికే నాలుగైదు సార్లు బాలికను బంధువులంటూ బయటికి తీసుకెళ్లడని హాస్టల్ వర్గాలు విచారణలో వెల్లడించాయి. అయితే కేసును రాజకీయ కోణంలో తప్పుదారి పట్టిస్తున్నారు అంటూ రూరల్ ఎస్ఐ తో వాగ్వాదానికి దిగారు బాలిక కుటుంబ సభ్యులు. ఈ కేసును ఉన్నతాధికారులతో దర్యాప్తు చేయించాలని డిమాండ్ చేస్తున్నారు. మరోవైపు ఈ విషయం తెలియగానే తాటిక నారాయణరావు కు బడిత పూజ చేశారు గ్రామస్థులు.