SIP Investment Plan : డబ్బు సంపాదించడం ఒక ఎత్తు అయితే, ఆ సంపాదించిన డబ్బుతో మరిన్ని డబ్బులు చేయించడం మరో ఎత్తు. చాలామంది నెలాఖరు వచ్చేసరికి చేతిలో చిల్లిగవ్వ లేక ఇబ్బంది పడుతుంటారు. కానీ, కొంచెం తెలివిగా ప్లాన్ చేస్తే.. మీరు రోజుకు ఖర్చు చేసే ఒక కప్పు కాఫీ లేదా స్నాక్స్ ఖర్చుతో మీ భవిష్యత్తును బంగారంగా మార్చుకోవచ్చు. అది ఎలాగో ఇప్పుడు చూద్దాం. దీన్నే ఫైనాన్షియల్ భాషలో SIP (Systematic Investment Plan) అంటారు. మీరు స్టాక్ మార్కెట్ నిపుణులు అవ్వాల్సిన అవసరం లేదు, రోజూ స్క్రీన్ల ముందు కూర్చోవాల్సిన పని లేదు. కేవలం నెలకు ఒక చిన్న మొత్తాన్ని మ్యూచువల్ ఫండ్స్లో ఇన్వెస్ట్ చేస్తే చాలు.
ఉదాహరణకు, మీరు రోజుకు రూ. 100 ఆదా చేశారనుకుందాం. అంటే నెలకు రూ. 3,000 అన్నమాట. ఈ మొత్తాన్ని ఒక మంచి మ్యూచువల్ ఫండ్లో 20 ఏళ్ల పాటు ఇన్వెస్ట్ చేస్తే.. సగటున 15% రిటర్న్స్ వచ్చినా, మీరు రిటైర్ అయ్యే సమయానికి మీ చేతిలో దాదాపు రూ. 45 లక్షల నుండి రూ. 50 లక్షల వరకు ఉండే అవకాశం ఉంది. అదే మరో 5 ఏళ్లు ఓపిక పడితే (మొత్తం 25 ఏళ్లు), ఆ అమౌంట్ ఏకంగా రూ.1 కోటికి చేరువ అవుతుంది! దీన్నే కాంపౌండింగ్ పవర్ అంటారు.
ఎక్కడ ఇన్వెస్ట్ చేయాలి?
- ప్రస్తుతం మార్కెట్లో చాలా రకాల ఫండ్స్ ఉన్నాయి:
- ఇండెక్స్ ఫండ్స్: రిస్క్ తక్కువగా ఉండాలనుకునే వారికి ఇది బెస్ట్.
- స్మాల్ క్యాప్ ఫండ్స్: కొంచెం రిస్క్ తీసుకుంటే, ఇవి 20% కంటే ఎక్కువ రిటర్న్స్ ఇచ్చే ఛాన్స్ ఉంది.
- ఫ్లెక్సీ క్యాప్ ఫండ్స్: అన్ని రంగాల్లో పెట్టుబడి పెట్టే సేఫ్ ఆప్షన్.
చాలామంది మార్కెట్ పడిపోగానే భయపడి డబ్బులు వెనక్కి తీసేస్తారు. కానీ, మార్కెట్ పడిపోయినప్పుడే ఎక్కువ యూనిట్లు వస్తాయి, అదే మీ లాభాన్ని పెంచుతుంది. కాబట్టి మధ్యలో ఆపకుండా కనీసం 10-15 ఏళ్లు కొనసాగించడం ముఖ్యం.
కోటీశ్వరులు అవ్వడం అంటే ఏదో లాటరీ తగలడం కాదు, అది ఒక క్రమశిక్షణ. ఈరోజే ఒక చిన్న అడుగు వేయండి. మీ దగ్గర ఉన్న స్మార్ట్ఫోన్ ద్వారానే నిమిషాల్లో ఈ ఇన్వెస్ట్మెంట్ మొదలుపెట్టవచ్చు.
