Pakistan : పాకిస్తాన్‌లోని పెషావర్‌లో సోమవారం దారుణం జరిగింది. భద్రతా దళాల ప్రధాన కార్యాలయాన్ని లక్ష్యంగా చేసుకుని ఉగ్రవాదులు జరిపిన ఆత్మాహుతి దాడిలో నలుగురు ప్రాణాలు కోల్పోయారు. ఈ దాడితో స్థానికంగా తీవ్ర భయాందోళన నెలకొంది. ఫెడరల్ కాన్‌స్టాబ్యులరీ (FC) కి చెందిన ఫ్రంటియర్‌ కోర్ట్‌ ప్రధాన కార్యాలయాన్ని లక్ష్యంగా చేసుకుని ఈ దాడి జరిగింది.
BREAKING: TTP terrorists storm Frontier Corps HQ in Peshawar. Heavy gunfire ongoing, multiple blasts reported.
At least 6 security personnel martyred, dozens injured. Large-scale operation underway. Pakistan under attack again. #PeshawarAttack #TTPTerror https://t.co/zSxIdtEyiD
— OmiVerseGlobal (@omiverseglobal) November 24, 2025
ఈ దాడిలో మొత్తం ముగ్గురు ఉగ్రవాదులు పాల్గొన్నట్లు అధికారులు గుర్తించారు. వీరిలో ఒకరి తర్వాత మరొకరు తమను తాము పేల్చుకుని రెండు శక్తిమంతమైన పేలుళ్లు సృష్టించారు. ఈ వరుస బ్లాస్టుల్లో ముగ్గురు పౌరులు, ఒక పారామిలిటరీ సిబ్బంది సహా మొత్తం నలుగురు మృతి చెందారు. పేలుళ్ల కారణంగా మరో నలుగురు తీవ్రంగా గాయపడ్డారు.
వారిని హుటాహుటిన సమీపంలోని ఆసుపత్రికి తరలించి చికిత్స అందిస్తున్నారు. ఉగ్రదాడి నేపథ్యంలో, భద్రతా దళాలు ఆ ప్రాంతాన్ని చుట్టుముట్టాయి. మిగిలిన ఉగ్రవాదుల కోసం గాలింపు చర్యలు ముమ్మరం చేశారు. ఈ దాడికి ఇప్పటివరకు ఏ ఉగ్రవాద సంస్థ బాధ్యత ప్రకటించలేదు.
