student: బెంగళూరులో ఓ సీనియర్‌పై జూనియర్ స్టూడెంట్ దారుణానికి పాల్పడ్డాడు. కాలేజీ క్యాంపస్‌ పురుషుల టాయిలెట్‌లోకి లాక్కెళ్లి అత్యాచారం చేశాడు. బెంగళూరులోని ఓ ప్రైవేట్ ఇంజనీరింగ్ కాలేజీలో ఈ ఘటన జరిగింది. బాధితురాలు ఏడో సెమిస్టర్ చదువుతున్న విద్యార్థిని కాగా, నిందితుడు జీవన్ గౌడ (21) అదే కాలేజీలో ఐదో సెమిస్టర్ విద్యార్థి చదువుతున్నాడు.
𝐁𝐞𝐧𝐠𝐚𝐥𝐮𝐫𝐮 𝐬𝐭𝐮𝐝𝐞𝐧𝐭 𝐫𝐚𝐩𝐞𝐬 𝐬𝐞𝐧𝐢𝐨𝐫 𝐨𝐧 𝐜𝐨𝐥𝐥𝐞𝐠𝐞 𝐜𝐚𝐦𝐩𝐮𝐬, 𝐥𝐚𝐭𝐞𝐫 𝐚𝐬𝐤𝐬 𝐢𝐟 𝐬𝐡𝐞 𝐧𝐞𝐞𝐝𝐬 𝐩𝐢𝐥𝐥
A Bengaluru junior student allegedly raped his senior inside a private engineering college. The accused, Jeevan Gowda, was arrested and… pic.twitter.com/nrNtOKEtZ1
— IndiaToday (@IndiaToday) October 17, 2025
అయితే 2025 అక్టోబరు 10న లంచ్ బ్రేక్ సమయంలో మాట్లాడాలని పదేపదే ఫోన్ చేసి జీవన్ గౌడ బాధితురాలిని ఏడో అంతస్తులోని ఆర్కిటెక్చర్ బ్లాక్ వద్దకు పిలిపించాడు. అక్కడ ఆమె రాగానే బలవంతంగా ఆమెను ముద్దుపెట్టుకోవడానికి ట్రై చేశాడు. దీంతో ఆమె తప్పించుకునేందుకు ప్రయత్నించగా, ఆరో అంతస్తు వరకు వెంబడించి, ఆమెను బలవంతంగా పురుషుల వాష్‌రూమ్‌లోకి లాక్కెళ్లి లైంగిక దాడికి పాల్పడ్డాడు.
మధ్యాహ్నం 1.30 నుండి 1.50 గంటల మధ్య ఆమెపై అత్యాచారం జరిగింది. ఈ దారుణం జరిగిన తర్వాత, నిందితుడు.. బాధితురాలికి ఫోన్ చేసి, “నీకు గర్భనిరోధక మాత్ర (Pill) కావాలా?” అని అడిగాడు. బాధితురాలు వెంటనే ఫోన్ కట్ చేసింది. ఈ విషయంపై మొదట భయంతో బాధితురాలు ఎవరికి చెప్పలేదు.
చివరకు స్నేహితులు, తల్లిదండ్రులకు జరిగిందంతా చెప్పి వారి సహకారంతో అక్టోబరు 15న హనుమంతనగర్ పోలీసులకు ఫిర్యాదు చేసింది. వారి ఫిర్యాదు మేరకు కేసు నమోదు చేసుకున్న పోలీసులు నిందితుడు జీవన్ గౌడను అరెస్టు చేసి, జ్యుడీషియల్ కస్టడీకి తరలించారు. విద్యాబుద్ధులు నేర్పే కళాశాల ప్రాంగణంలోనే ఈ ఘటన జరగడంకలకలం రేపింది.
