Meerut : దేశవ్యాప్తంగా సంచలనం సృష్టించిన మీరట్ బ్లూ డ్రమ్ హత్య కేసు అందరికీ గుర్తు ఉండే ఉంటుంది. అంతా ఈజీగా మరిచిపోయే విషయం కాదు కదా అది.. తన ప్రేమికుడి కోసం కట్టుకున్న భర్తను చంపి, బాడీని ముక్కలు చేసి, బ్లూ డ్రమ్ములో ఉంచి సిమెంట్ తో పూడ్చేసింది ముస్కాన్ అనే ఓ మహిళా.. అయితే ఈ కేసులో కీలక పరిణామం చోటుచేసుకుంది.
ప్రధాన నిందితురాలైన ముస్కాన్ ఒక ఆడబిడ్డకు జన్మనిచ్చింది. కస్టడీలో ఉన్న ముస్కాన్ ప్రసవించినట్లు జైలు అధికారులు తెలిపారు. జైలులో ఉన్న సమయంలో గర్భవతిగా ఉన్న ముస్కాన్‌ను, ప్రసవ సమయం దగ్గరపడటంతో అధికారులు వైద్య పరీక్షల కోసం స్థానిక ఆసుపత్రికి తరలించారు. అక్కడ ఆమె పండంటి ఆడబిడ్డకు జన్మనిచ్చింది. ప్రస్తుతం తల్లీబిడ్డ క్షేమంగా ఉన్నట్లు వైద్యులు ప్రకటించారు.
ఆదివారం రాత్రి 11.30 గంటల ప్రాంతంలో ఆమెను లాలా లజపతి రాయ్ మెమోరియల్ మెడికల్ కాలేజీకి తీసుకువచ్చినట్లు సీనియర్ జైలు సూపరింటెండెంట్ డాక్టర్ వీరేష్ రాజ్ శర్మ తెలిపారు. ముస్కాన్ కుటుంబ సభ్యులకు సమాచారం అందించినట్లు సీనియర్ జైలు సూపరింటెండెంట్ తెలిపారు. అయితే ఆమె కుటుంబం నుండి ఎవరూ కూడా ఆసుపత్రికి రాలేదు. అయితే ఆమె కడుపులో ఉన్న బిడ్డకు తండ్రి ఆమె భర్తదా లేక ఆమె ప్రేమికుడిదా అనేది తెలియాల్సి ఉంది.
మార్చి 4 రాత్రి మీరట్ జిల్లాలోని ఇందిరానగర్‌లోని తన ఇంట్లో ముస్కాన్ భర్త సౌరభ్ హత్యకు గురయ్యాడు. ముస్కాన్, ఆమె ప్రేమికుడు సాహిల్ శుక్లా అతనికి మత్తుమందు ఇచ్చి అనంతరం కత్తితో పొడిచి చంపేశారు. భర్త సౌరభ్ రాజ్‌పుత్‌ను హత్య తర్వాత ఆమె తన ప్రియుడు సాహిల్‌తో కలిసి 11 రోజులుగా హిమాచల్ ప్రదేశ్‌లో బయట తిరుగుతూ ఎంజాయ్ చేసింది.
ఇద్దరు నిందితులు మృతదేహాన్ని సూట్‌కేస్‌లో ప్యాక్ చేసి పారవేయాలనుకున్నారని పోలీసు వర్గాలు తెలిపాయి. సూట్‌కేస్‌లో ఎముక ముక్క కూడా దొరికింది. అయితే ఇక్కడ ట్విస్ట్ ఏంటంటే చనిపోయిన భర్త సౌరభ్, ఇప్పుడు పుట్టిన బిడ్డ పుట్టిన రోజు ఒక్కటే కావడం.
