Romario Shepherd : క్రికెట్లో అసాధారణమైన సంఘటన చోటు చేసుకుంది. రాయల్ ఛాలెంజర్స్ బెంగళూరు (RCB) తరపున ఐపీఎల్ 2025లో వేగవంతమైన అర్ధ సెంచరీ (14 బంతుల్లో) నమోదు చేసిన ఆల్-రౌండర్ రొమారియో షెపర్డ్, కరీబియన్ ప్రీమియర్ లీగ్ (CPL)లో ఒక బంతికి ఏకంగా 22 పరుగులు సాధించి రికార్డు సృష్టించాడు.
గయానా అమెజాన్ వారియర్స్, సెయింట్ లూసియా కింగ్స్ మధ్య జరిగిన మ్యాచ్లో ఈ ఘటన జరిగింది. గుయానా బ్యాటింగ్ చేస్తుండగా, 15వ ఓవర్లో ఓషేన్ థామస్ బౌలింగ్ చేశాడు. ఆ ఓవర్లోని మూడో బంతిని థామస్ నో-బాల్గా వేశాడు. ఆ తర్వాత వేసిన వైడ్ బంతి కూడా నో-బాల్ కావడంతో, షెపర్డ్కు ఫ్రీ హిట్గా లభించింది. షెపర్డ్ దాన్ని సిక్స్ కొట్టగా, అది మళ్లీ నో-బాల్ అయ్యింది. దీంతో మరో ఫ్రీ హిట్ లభించగా, దాన్ని కూడా షెపర్డ్ సిక్స్ కొట్టాడు. ఆ బంతి కూడా నో-బాల్ కావడంతో, మరోసారి ఫ్రీ హిట్ లభించింది. చివరికి, థామస్ ఒక లీగల్ డెలివరీ వేయగా, దాన్ని కూడా షెపర్డ్ సిక్స్ కొట్టాడు.
ఈ విధంగా, ఒకే లీగల్ డెలివరీలో (ఒక నో-బాల్, ఒక వైడ్, ఒక నో-బాల్ సిక్స్, ఒక నో-బాల్ సిక్స్, ఒక సిక్స్) మొత్తం 22 పరుగులు వచ్చాయి. ఈ విచిత్రమైన రికార్డుతో షెపర్డ్ తన పేరును క్రికెట్ చరిత్రలో ప్రత్యేకంగా లిఖించుకున్నాడు. అయితే, అతని జట్టు గయానా అమెజాన్ వారియర్స్ ఈ మ్యాచ్లో ఓడిపోయింది.
