Term Insurance: ఈ రోజుల్లో జీవితం చాలా అన్సర్టైన్గా మారిపోయింది. రేపు ఏం జరుగుతుందో ఎవరికీ తెలియదు. ముఖ్యంగా ఇంటిని నడిపించే పెద్ద వ్యక్తికి ఏదైనా జరిగితే ఆ కుటుంబం ఆర్థికంగా కుప్పకూలిపోతుంది. అందుకే ప్రతి ఒక్కరికీ టర్మ్ ఇన్సూరెన్స్ (Term Insurance) ఉండాలని నిపుణులు చెబుతున్నారు. అయితే చాలామంది ఇన్సూరెన్స్ అంటే వేలల్లో ఖర్చు అవుతుందని భయపడుతుంటారు. కానీ, కేవలం రోజుకు ఒక టీ కప్పు ఖర్చుతో రూ. కోటి భీమా పొందవచ్చని మీకు తెలుసా?
మనం లేకపోయినా మన పిల్లల చదువులు, ఇంటి లోన్లు, పెళ్లిళ్లు ఆగిపోకూడదంటే కనీసం రూ.కోటి భీమా ఉండటం సేఫ్. ప్రస్తుతం మార్కెట్లో కొన్ని కంపెనీలు చాలా తక్కువ ప్రీమియానికే ఈ సౌకర్యాన్ని కల్పిస్తున్నాయి.
తక్కువ ధరకే లభించే టాప్ ప్లాన్లు ఇవే: (2026 అప్డేట్)
- ICICI ప్రుడెన్షియల్: ఈ కంపెనీలో నెలకు సుమారు రూ.450 నుంచే ప్లాన్లు స్టార్ట్ అవుతున్నాయి. వీరి క్లెయిమ్ సెటిల్మెంట్ రేషియో కూడా చాలా బాగుంది.
- టాటా AIA: నమ్మకమైన సర్వీస్ అందించే టాటాలో నెలకు రూ.500 నుంచి రూ.550 లోపు కోటి రూపాయల పాలసీని పొందవచ్చు.
- HDFC లైఫ్: వీరు కస్టమర్లకు వేగంగా క్లెయిమ్స్ సెటిల్ చేయడంలో పేరుగాంచారు. వీరి ప్రీమియం నెలకు రూ.600 ఆసుపాసులో ఉంటుంది.
- LIC డిజి టర్మ్: ప్రభుత్వ రంగ సంస్థ అయిన LIC కూడా ఇప్పుడు ఆన్లైన్లో తక్కువ ధరకే టర్మ్ ప్లాన్లను అందిస్తోంది.
పాలసీ తీసుకునే ముందు ఈ చిన్న చిట్కాలు పాటించండి:
మీ వయస్సు 25 నుండి 30 ఏళ్ల లోపు ఉంటే ప్రీమియం చాలా తక్కువగా ఉంటుంది. వయస్సు పెరిగే కొద్దీ రేట్లు పెరుగుతాయి. మీకు పొగతాగే అలవాటు ఉన్నా లేదా ఏదైనా అనారోగ్యం ఉన్నా కంపెనీకి ముందే చెప్పండి. లేదంటే ఫ్యూచర్లో మీ కుటుంబానికి డబ్బులు రావు. ప్రమాదంలో ఏదైనా జరిగితే అదనపు డబ్బు వచ్చేలా యాక్సిడెంటల్ డెత్ బెనిఫిట్ వంటివి చేర్చుకోండి.
నెలకు రూ. 450 ప్రీమియం అనుకుంటే.. రోజుకు మనం బయట తాగే టీకి రూ. 15 పడుతుంది. డబ్బులు దాచుకోవడం ఎంత ముఖ్యమో, మన కుటుంబానికి రక్షణ కల్పించడం కూడా అంతే ముఖ్యం. ఆలస్యం చేయకుండా ఈరోజే ఒక మంచి టర్మ్ ప్లాన్ ఎంచుకోండి.
