SBI vs HDFC Home Loan : సొంత ఇంటి కల నిజం చేసుకోవాలనుకునే వారు మొదట ఆలోచించేది హోమ్ లోన్ గురించి. మన దేశంలో హోమ్ లోన్ అనగానే అందరికీ గుర్తొచ్చేవి ప్రభుత్వ రంగ దిగ్గజం స్టేట్ బ్యాంక్ ఆఫ్ ఇండియా (SBI), ప్రైవేట్ రంగ దిగ్గజం HDFC Bank. అయితే, ఈ రెండింటిలో (SBI vs HDFC Home Loan)ఏ బ్యాంకులో లోన్ తీసుకుంటే మంచిది? ఎక్కడ వడ్డీ తక్కువగా ఉంటుంది. ఎక్కడ ప్రాసెసింగ్ వేగంగా ఉంటుంది? వంటి పూర్తి వివరాలు ఇప్పుడు చూద్దాం.
1. వడ్డీ రేట్ల పోలిక (Interest Rates)
హోమ్ లోన్ విషయంలో వడ్డీ రేటు అనేది అత్యంత కీలకమైనది.
- SBI: సాధారణంగా ప్రభుత్వ బ్యాంక్ కాబట్టి వడ్డీ రేట్లు కొంచెం తక్కువగా ఉంటాయి. ప్రస్తుతం SBI లో వడ్డీ రేట్లు 7.25% నుండి 9.50% (CIBIL స్కోర్ ఆధారంగా) వరకు ఉన్నాయి.
HDFC: ప్రైవేట్ బ్యాంక్ అయినప్పటికీ, SBI కి గట్టి పోటీనిస్తూ 8.40% నుండి 9.50% మధ్య వడ్డీ రేట్లను ఆఫర్ చేస్తోంది. మహిళా దరఖాస్తుదారులకు HDFC లో ప్రత్యేక రాయితీలు ఉంటాయి.
2. ప్రాసెసింగ్ ఫీజు (Processing Fees)
లోన్ అప్రూవ్ చేయడానికి బ్యాంకులు తీసుకునే రుసుము ఇది.
- SBI: లోన్ మొత్తంలో సుమారు 0.35% నుండి 0.50% వరకు ఉంటుంది (గరిష్టంగా ₹10,000 + GST వరకు ఉండొచ్చు). కొన్నిసార్లు పండగ ఆఫర్లలో భాగంగా దీనిని పూర్తిగా రద్దు చేస్తుంది.
HDFC: ఇక్కడ ప్రాసెసింగ్ ఫీజు కొంచెం ఎక్కువగా ఉండవచ్చు. ఇది సాధారణంగా 0.50% లేదా అంతకంటే ఎక్కువ ఉంటుంది.
3. లోన్ మంజూరు ప్రక్రియ (Loan Processing Speed)
- SBI: ప్రభుత్వ బ్యాంక్ కావడంతో డాక్యుమెంటేషన్ ప్రక్రియ కొంచెం నిదానంగా ఉండవచ్చు. ప్రతి చిన్న విషయాన్ని క్షుణ్ణంగా పరిశీలిస్తారు.
HDFC: ప్రైవేట్ రంగం కావడంతో ఇక్కడ లోన్ ప్రాసెసింగ్ చాలా వేగంగా ఉంటుంది. కనీస డాక్యుమెంట్లతో త్వరగా లోన్ మంజూరు చేస్తారు.
4. లోన్ కాలపరిమితి (Tenure)
రెండు బ్యాంకులు కూడా గరిష్టంగా 30 ఏళ్ల కాలపరిమితిని అందిస్తున్నాయి. దీనివల్ల నెలవారీ ఈఎంఐ (EMI) భారం తగ్గుతుంది.
ఏ బ్యాంక్ ఎంచుకోవాలి?
- మీకు వడ్డీ రేటు తక్కువగా ఉండాలి, ప్రాసెసింగ్ ఫీజు తక్కువగా ఉండాలి అనిపిస్తే: SBI ఉత్తమ ఎంపిక.
మీకు లోన్ వెంటనే కావాలి, సర్వీస్ వేగంగా ఉండాలి అనుకుంటే: HDFC ని ఎంచుకోవచ్చు.
