Jagtial : ప్రేమ వివాహం చేసుకున్న కొత్త జంటకు షాకింగ్‌ అనుభవం ఎదురైంది. పెళ్లి చేసుకున్న మరుసటి రోజే నవ వధువును ఆమె కుటుంబ సభ్యులు,బంధువులు కర్రలతో దాడి చేసి, బలవంతంగా లాక్కెళ్లిన దారుణ ఘటన జగిత్యాల జిల్లా మల్యాలలో చోటుచేసుకుంది.
వివరాల్లోకి వెళ్తే… పల్నాడు జిల్లా, మాచర్లకు చెందిన మాధవి, జగిత్యాల జిల్లా మల్యాలకు చెందిన ముత్తుకుమార్ ప్రేమించుకున్నారు. అయితే వీరి పెళ్లికి ఇరువైపులా పెద్దలు ఒప్పుకోకపోవడంతో, వారు సోమవారం కొండగట్టు ఆంజనేయ స్వామి ఆలయంలో వివాహం చేసుకున్నారు. అనంతరం, ముత్తుకుమార్ తన భార్య మాధవితో కలిసి మల్యాలలోని తమ ఇంటికి చేరుకున్నారు.
సీసీటీవీ ఫుటేజ్
ప్రేమ వివాహం చేసుకున్నాడని యువకుడి కుటుంబ సభ్యులపై దాడి చేసి యువతిని తీసుకెళ్లిన ఆమె బంధువులు
గుంటూరు జిల్లా మాచర్ల గ్రామానికి చెందిన మాధవి అనే యువతిని, ప్రేమ వివాహం చేసుకున్న జగిత్యాల జిల్లా మల్యాల మండల కేంద్రానికి చెందిన నల్ల ముత్తు కుమార్ అనే యువకుడు
వారం… pic.twitter.com/m7c7D8no8c
— Telugu Scribe (@TeluguScribe) November 25, 2025
ఈవిషయం తెలుసుకున్న మాధవి కుటుంబ సభ్యులు, బంధువులు మల్యాలకు వచ్చి.. ముత్తుకుమార్, అతని తల్లిదండ్రులపై కర్రలతో దారుణంగా దాడి చేశారు. అనంతరం, మాధవిని కాళ్లు, చేతులు పట్టుకొని బలవంతంగా లాక్కెళ్లారు. కన్నకూతురే అయినప్పటికీ, ఆమెను బలవంతంగా లాక్కెళ్లడం చూసి స్థానికులు కూడా భయభ్రాంతులకు గురయ్యారు.
దాడిలో గాయపడిన ముత్తుకుమార్, తన భార్యను బంధువుల నుంచి రక్షించాలని కోరుతూ వెంటనే మల్యాల పోలీసు స్టేషన్‌ను ఆశ్రయించారు. కిడ్నాప్‌తో పాటు దాడి కేసు నమోదు చేసిన పోలీసులు, దర్యాప్తు ప్రారంభించి, మాధవి ఆచూకీ కోసం గాలిస్తున్నారు.
